10 năm dăch aơ, nău kan tăm kao si ta phường Ea Tam, nkuăl [on têh Buôn Ma Thuột, Dak Lăk dôl hun hao têh ngăch. Ăp mir tơm le\ mpơl an saơ tăm kao si le\ ns^t tay nău geh âk lơn đah ăp ntil tơm êng. Nkô| trăch nar aơ nkoch nău kan tăm kao hồng bâh yuh Nguyễn Thị Niên, jă kônh wa n’hanh băl mpôl djăt ndrel.

            Ns^t nău kan tăm kao bâh nkual [on tơm Mê Linh, Hà Nội hăn ta Dak Lak, rnăk yuh Nguyễn Thị Niên tăm 5 sào kao hồng. ntil kao r^ an ta mir tơm ndop so\k bâh bắc jêng kanuưng [ư neh lôch ne\ ndum tơm. Yuh Niên an g^t, trôk nar mih sial ta Tây Nguyên du\t ueh lơn đah mpeh Bắc jêng mbra dơi geh tăm kao ăp nar n’hanh nău mât chăm ueh dơh đo\ng. yơn lah, Tây Nguyên kanu\ng geh bar yan mih, duh jêng he njrăng nău bu tuh an tơm kao hồng tâm khay mih yor tơm du\t dơh geh ntưp ăp nău bu tuh [ư an kao mô ueh.

            Tăm r^ dơh dơm, nău du\t khlăy lah njrăng bah geh nău bu tuh, geh âk nău bu tuh ngăn, du\t âk lah êr n’ha, bêk krăk, ru\ng n’ha. Mih phu\ mô lah mih n’hach bar pe nar lah ru\ng le\ n’ha. Nău njrăng lah ê lor geh trôk nđik, mih r^ he njrăng lor, njrăng bu tuh êr n’ha. Hăn tât ntu\k tăch dak si r^ geh âk ntil dak si săm êr n’ha. He  bruh ma máy mơ geh lăp ta n’ha. Mih n’hach hô lah tơm geh âk nău bu tuh r^ mô ir rvê.

            Gay ma đăp mpăn an tơm kao hồng geh ueh to\ng rdâng đah nău bu tuh n’hanh mbra dơi geh so\k âk kao r^ t^ng nău mbơh bâh yuh Niên tâm năm bôk năp an geh tôch le\ mblom kao.

            Gâp tăm r^ an geh rong ăp tơm têh mơ dơi geh so\k kao. An geh ua\nh năl lah tăm 1 năm bôk năp lah mô so\k kao. Lôch ne\ he koh kao gay ma rong mbah. Du năm ba kơi, lôch mbah ueh r^ he mơ sok kao, mbra mô geh khuch an tơm.

            Bâh ntơm 5 sào kao tăm bôk năp tâm 10 năm, tât a[aơ, yuh Niên le\ pơk hvi rnoh tăm tât 1,3 ha. Bôl ma kơt ne\, rnoh neh tăm an geh knơm ta nău u\ch rvăt ta ntu\k tăch rgâl. Yuh Niên an g^t.

            Gâp ua\nh năl ta ntu\k tăch rgâl r^ ma tăm dơm. He tăm âk ir, tăch mô le\ r^ kao dang mô ueh. He tăm bar pe mbor, tăm ma to\ng tăch le\ r^ mơ kao ueh.

            Rlău ma tăm kao tăch ăp nar, yuh Niên hôm nha tăm kao tâm chậu tăch ta rơh tết Nguyên đán. Mô dơn tăch ta n’gor, kao jay yuh geh tăch tât ta nkuăl [on têh Hồ Chí Minh n’hanh miền Tây. Nău geh râng geh bâh tăm kao lah ăp năm rlău 200 rkeh prăk. Bâh nău săk rnglăy bâh du đê| nău kan tăm kao bôk năp đah bar pe sào, Hội nông dân phường Ea Tam le\ [ư nti nău kan, tâm nchră bôk năp gay ma ăp nu^h kơt nti nău kan, pơk hvi nău kan, tât a[aơ, phường geh 20 rnăk tăm kao đah rnoh neh lah 3 ha n’hanh hao 6 ha ta nar tết. yuh Vũ Thị Hiền, groi kruanh Hội nông dân phường Ea Tam an g^t:

cán bộ hội r^ du\t nsrôih lah dăn prăk bâh ntu\k kan ba lơ gay ma rdâk njêng nău kan. Lôch ne\, tăm dơi hôm lah [ư tâm nchră, jă ăp rnăk tăm kao tât. Ăp rnăk geh nău u\ch tăm kao r^ ntơm tăm kao lah he geh nt^m dâl an khân păng, bâh nău hăn so\k ntil, tăm an tât rnôk tôch kao. Đah rnoh khlay kơt a[aơ r^ đăp mpăn an [on lan hun hao. Ăp rnăk tăm kao, du\t âk nău geh a[aơ r^ đăp mpăn an [on lan hun hao, du\t âk nău geh râng geh 200 rkeh lôch n’hâp le\ prăk do\ng kan.

 Hôm du gâl bah kơi aơ lah du đêt nkô| nău ân njrăng tâm rnôk tăm, mât chăm n’hanh koh tăch tơm kao hồng.

            Lor bôk năp lah sơch ntil, kônh wa sơch ntil tơm ntơr ue\h, [ô kah, hao jêng dăng n’hanh geh nău dơi cho\l đah tu ndru\ng chuh sa. Mbra do\ng tơm ntil ma trong koh n’ging njâm mô lah tơm ndop măt.

            Mpeh rnoh âk n’hanh tâm [ah tơm tăm: tăm mbor ndrop, mbor tâm [ah đah mbor 30- 35cm, mbor tâm [ah đah meng mbor 15- 20cm, tơm đah tơm 25cm. Lah tăm tâm ăp nar duh ri ân nku\m ma jal nđôch mô lah rhe 2- 3 pơh gay tơm ngăch dâk hao jêng, n’hao âk rnoh rêh an tơm.

            Kỹ thuật poh phân: lôch rnôk tăm 1- 2 khay lah to\ phân an tơm. He mbra dơi do\ng phân hữu cơ ntrăm ndum đah phân vi sinh t^ng rnoh 2m³ dak geh 60kg phân hữu cơ+ 10kg phân vi sinh to\ an 1 sào. 10 – 15 nar to\ du tơ\, ăp tơ\ to\ mpli tay 6kg đạm urê. Rlău ma nê ân way kơi ntop poh tay phân lha an tơm.

            Kỹ thuật put lha: Kônh wa ân put kao gay der bah bu sa n’hanh ăp nău tât khuch bah trôk nar wa\r kiău ma, nkre ma mât kao dang mbrơi tâm bar pe nar. Geh 2 trong put kao lah put kao ma lha báo (koh 1 gâl lha báo put wa\r kao n’hanh kât mô lah l^r tay) mô lah put ma jal put ơm geh.

            {ư kêng ma koh n’ging tăch: rnôk tơm ho\ geh luh mblom kao ân n’hu\ch mô lah rlu poh phân đạm, n’hao âk poh kali, lân đah rnoh 2: 1 (10kg kali Clorua, 5kg lân an 1sào). Lor rnôk koh n’ging tăch 1- 2 nar (Khay wai 1 nar, khay mih 2 nar), kônh wa ân to\ to\ng dak an tơm (đăp mpăn rnoh l’ư\t mbe\ an neh geh 85%) gay ma ăp n’ging lha dơi rhôp bêng dak.

            Rnôk koh n’ging kao: kônh wa ân koh tâm rnôk ơm ôi (5- 6h) mô lah kêng măng, tâm ăp nar prăng sơh. Ntu\k koh n’ging khuch tât rnoh jong n’ging, nkong kao, tât nău rtah hon n’ging bah dâng ntu\k têl koh n’hanh rnoh nar koh khay bah kơi nê. Nău way rong tay ntơm bah 2- 4 kô|. Lôch rnôk koh ân chu\t jru 1/3 nkong kao tâm dak kloh ue\h mô lah dak si chu\t kao si d^l, lôch nê ndjôt tât ntu\k sơh aih (Jay geh chor ntưm) gay ma sơch jăng ăp n’ging kao ranh, n’ging kao geh tu ndru\ng chuh sa…

            Geh âk trong mât njrăng kao hồng. kônh wa mbra dơi mât ma dak si: do\ng ăp dung lịch glucoza, sacaroza 3- 5% tâm rnôk mât njrăng.