VOV4.Mnông- Đah ntrong kan “Sŏk soan ƀon lan gay ma mât kơl nău rêh an ƀon lan”, 5 năm tâm rgop mbơh ƀư bôk nău kan, rơh rgŏ jă “Lĕ ƀon lan tâm rnglăp rdâk njêng nkual ƀon lan mhe, nkuăl ƀon têh ueh” lĕ dơi geh âk nău geh khlăy, ntop ƀư “rgâl nău kan, rgâl nău mĭn” ta nkual ƀon lan n’hanh nkuăl ƀon têh bâh neh dak n’hanh bâh ăp ntŭk. Aơ lah nău uănh năl bâh ăp đại biểu ta rơh rƀŭn nchră sơ kết 5 năm mbơh ƀư rơh rgŏ jă yor Ủy ban Trung ương MTTQ Việt Nam ƀư ta ôi nar 15/12, ta Hà Nội. 5 năm ba năp, ăp ntŭk lĕ rgum lĕ rhiăng rmen prăk gay ma rdâk njêng ndơ dŏng ntung trong khlăy ta nkual ƀon lan. Kơp tât khay 11/2020, lam dak geh 5 rbăn 392 xã geh 65% tâm di đah nkual ƀon lan mhe. Bâh ăp ntŭk trực tuyến, ndơn kan an ăp ntŭk tâm mbơh nău tă kan, ntrong kan ueh mhe, nkre lah dăn đă ăp ntrong kan ƀư tĭng rơh rgŏ jă tâm let năp tay.

 Nuĭh rblang: Thị Đoắt