VOV4.M’nông: Kêng măng 10/12, ta Hà Nội, N’gâng kan tuch tăm ndrel Hun hao ƀon lan tâm rgop nsum đah “Ntrong kan rgâl blau mhe nau kan tuch tăm têh ngăn lam nyur neh” Xi-gia nkre ƀư nar rƀŭn trực tuyến đah nau tâm nchră mpeh ăp nau kan n’hao nau tâm boh rƀŏng tât hun hao nau kan tuch tăm nâp nâl tâm Việt Nam. Ntoh nau ta nar rƀŭn, Kruanh n’gâng kan tuch tăm dnrel hun hao ƀon lan Lê Quốc Doanh lah rjăp, Việt Nam hŏ dơi geh nau hun hao ueh tâm ăp năm rlau aơ, ngăn lah tâm nau kan hun hao tuch tăm. Năm 2020, bol ma geh nau khuch ngăn yor srê Covid-19 yơn nau tăch tăch luh ndơ tuch tăm, si gle, tui ka hôm geh 41 rmen đola Mỹ. Êng 11 khay rlau aơ, nau tăch luh ndơ si gle tui ka geh rlau 42 rmen đola Mỹ, hao tât rlau 14% rđil rơh aơ năm e ndrel nchrăp mra geh dơi ndrel rlet rlau nkô̆ nau lôch năm. Gay lăp tâm rnôk hun hao mhe đah âk nau jêr ndrel ntul rlong, N’gâng kan tuch tăm ndrel hun hao ƀon lan ŭch lŏ ndơn geh nau kơl an bah ăp nŭih ntuh kơl, ăp ntŭk kan dak ba dih, ngăn lah ăp rmôt ƀư nau kan mĭn njêng nau kan bah Xi-gia./.

Nŭih rblang: H’Thi