VOV4.M'nông: Ôi aơ (9/12) ta Hội trường Diên Hồng nhih pah kan Quốc hội ta nâm nău ƀư tơm bah Tổng Bí thư Nguyễn Phú Trọng, Bộ Chính trị, Ban Bí thư ƀư tâm nchră cán bộ lam dak mbơh gĭt lam hvi an ƀư nău n'glôch jêh n'hanh nău way an bah Trung ương mpeh rdâk njêng dăp rgum Đảng. Nău ŭch bah tâm nchră lah ntrôl dăng tay nău gŭ mĭn, mbơh gĭt jru hvi n'glôch jêh 21 “Mpeh rdâk njêng, dăp rgum ăp tŏng Đảng n'hanh lam trong kan chính trị, nking nchăng ntrôl rŭch rmal lhăt cán bộ, Đảng viên hŭch hêng mpeh nău mĭn chính trị nuih n'hâm uĕh lŏng, trong gŭ rêh, ƀư djơh mân, rgâl êng"  n'hanh Quy định 37 mpeh “Ăp ntil Đảng viên mô dơi ƀư" bah Ban Chấp hành Trung ương tâm lam Đảng n'hanh lam trong kan chính trị bah Trung ương tât tâm dâng. Ta rnôk tâm nchră, Tổng Bí thư Nguyễn Phú Trọng lah rjăp đah nuih n'hâm lah ntrôl dăng rlăng ndăng ntru lơh kloh nuĭh tĭng nău nŏng êng nơm; mô dơn rdâng lơh sa khâm, ma hôm ân rdâng lơh ăp nău kan mô kloh rvah đŏng; nking nchăng, ntrôl rŭch, rlăch ndăng, rmal lhăt nău hŭch hêng mpeh nău mĭn chính trị, nuih n'hâm, gŭ rêh mô uĕh./.

Nuĭh rblang: Điểu Thân