VOV4.M'nông: Ta Hà Nội, Ban Tuyên giáo Trung ương ƀư tâm nchră lam dak pơk sŏng dăng n'glôch jêh pah kan nău lư dak bah dih; nkoch trêng dak lêng, gôl dak; tâm pă ntăm n'gâng n'har bri n'hanh mât njrăng n'har bri năm 2021, an ƀư nău kan năm 2022. Bí thư Trung ương Đảng, Kruanh ban Tuyên giáo Trung ương Nguyễn Trọng Nghĩa ƀư tơm rơh tâm nchră. N'glôch jêh ta rnôk tâm nchră, Kruanh Ban Tuyên giáo Trung ương Nguyễn Trọng Nghĩa lah rjăp nău kan nar lơn ma khlay bah nău lư tâm boh dak bah dih, nkoch trêng mpeh dak lêng, gôl dak. Nkre an gĭt aƀaơ Việt Nam dâk tâl 3 lam ntŭr neh tâm nău chuh nkrum lam vaccine dŭt ngăch, tâm nău dơi ngăch dja geh nău rgop bah pah kan tâm boh dak bah dih. Ma ăp trong ƀư ân ntrôl dăng nkoch trêng gay lam ntŭr neh gĭt wât mpeh Việt Nam, nsing tâm Việt Nam, njêng tay nău nsing nơm n'hanh rup gui bah Việt Nam ta lam ntŭr neh. Mpeh nău kan  năm 2022, Kruanh Ban Tuyên giáo Trung ương lah rjăp, nău lư nkoch trêng tâm boh dak bah dih tĭng ƀư tay tĭng nău mĭn bah Wa; uĕh mhe yơn ân săk tơm rnoi nuĭh./.

Nuĭh rblang: Điểu Thân