VOV4.M’nông –  Ta nkual ƀon têh Buôn Ma Thuột, Ntŭk ntrŭt nsôr pah kan lŏ mir-Ntil tơm tăm, mpa rong n’hanh Tui ka n’gor Dak Lak tâm rgop đah Ntŭk ntrŭt nsôr pah kan lŏ mir Ngih dak ƀư n’glôch jêh Nău nchrăp ƀư “Ndâk njêng n’hanh hun hao ntrong kan tăm srah du đêt ntil tơm sa play tâm mir cà phê nkual Tây Nguyên” lvang 2019-2021, ƀư ta 4 n’gor Tây Nguyên geh Dak Lak, Dak Nông, Gia Lai n’hanh Lâm Đồng, đah 115 ha tăm srah bơ n’hah sầu riêng tâm mir cà phê.

Tây Nguyên ndâk njêng lĕ dơi ntrong kan tơm tăm srah tâm mir cà phê

Êng ta Dak Lak, tâm 3 năm 2019-2021), nău nchrăp ndâk ƀư 55 ha tăm srah ta ăp nkuăl Cư M’gar, Krông Búk, Krông Năng, Ea H’leo n’hanh nkual têh Buôn Hồ, đah 55 rnăk râng nău nchrăp ƀư ê̆ ntop kơl ntrong kan 70% mpeh ntil n’hanh dak si, phân poh; ƀư ăp jrô tiăr nti, khoa học kỹ thuật ntĭm an ăp rnăk râng ntrong kan kơt tĭng. Nchrăp, rnôk tơm sa play lăp tâm lvang tăch rgâl mbra an geh hao rlău 20% nkôp đah tăm êng cà phê, mâp âk nău mô lap đah rnoh khlay rnôk ntŭk tăch ndơ lŏ mir geh âk nău rgâl kơt aƀaơ.

Nŭih blang: Y Sưng Phê Ja