VOV4.M’nông – Bah nar 1/4/2021, thẻ bảo hiểm y tế mhe mbra dơi dŏng ta lam dak. Thẻ BHYT mhe geh ăp nău rgâl tĭng trong nsĭt âk nău dơh an nuĭh râng, lơn lah tâm rnôk đă an thẻ, mât prăp n’hanh dŏng trhẻ gay ƀư but uănh săm ji BHYT. Tĭng nĕ, thẻ BHYT mhe jêt kơt thẻ căn cước nuĭh ƀon lan n’hanh du đêt ntil thẻ ATM bah ăp ngân hàng, dơi ép plastic jêh in, dơh rnôk mât prăp, dŏng. Mã mrô thẻ knŭng hôm 1o mrô, ndơn yor 15 mrô kơt thẻ BHYT dŏng aƀaơ. Thẻ BHYT mhe lĕ dơi rgâl râng rwăt BHXH, BHYT bah nuĭh râng. Nău dôl lah, rnôk nuĭh râng BHYT dŏng kơt dŏng BHXH mrô-VSSID, rnôk hăn but uănh săm ji mô kâp djôt thẻ BHYT yor rup BHYT lĕ dơi sŏk kơt dŏng tâm măy.

Nŭih rblang: Y Sưng Phê Ja