VOV4.M'nông: Kêng măng 5/12, Thủ tướng Chính phủ Phạm Minh Chính ƀư tơm rơh hop pơk sŏng dăng đah 8 n'gor Nam Trung bộ n'hanh Tây Nguyên mpeh pah kan njrăng, n'gang, nkra bah khuch khat tă bah dak bŭk. Râng rơh hop ta bôk ƀoh ăp n'gor Thừa Thiên Huế, Quảng Nam, Quảng Ngãi, Bình Định, Phú Yên, Khánh Hòa, Gia Lai, Dak Lak geh Kruanh UBND n'gor n'hanh kruanh rđău kan ăp n'gâng kan, ăp nhih pah kan geh tât. Lah ta rơh hop, Thủ tướng Phạm Minh Chính an gĭt, mhe aơ nơh nô nău mih dak bŭk hŏ lơh khuch jru mpeh nuĭh n'hanh drăp ndơ, tuh mbo, bum biăp...ta 8 n'gor Nam Trung Bộ n'hanh Tây Nguyên. Chính phủ hŏ rđău đă n'hanh đă rmôt pah kan lăp tât ăp n'gor tâm nkual gay ndrel n'gor njrăng n'gang, nkra bah khuch khat tă bah dak bŭk lơh. Tâm let năp tay Thủ tướng đă nkra bah ngăch khuch khat dak bŭk, lơn lah kuaih kloh uĕh ntŭk gŭ rêh neh ntu, mpôl dân quân du kích tự vệ, nkra nhih nti, ntŭk kan dak si, rgum ndŏk mbrâm, kik djăr khĭt, puh nkhĭt kaman. 8 n'gor rƀah gĭt nău lư, ngăch nkra bah khuch khat, rdâk tay nău kan ƀư njêng tăch rgâl n'hanh nău rêh kơt ơm bah nuĭh ƀon lan n'hanh rdâng lơh nuh srê./.

Nuĭh rblang: Điểu Thân