VOV4.M'nông: Ôi 10/12, Thủ tướng Chính phủ Phạm Minh Chính, Kruanh Ƀan rđău đă gưl neh dak njrăng, n'gang nuh srê Covid-19 (Ƀan rđău đă) ƀư tơm rơh hop pơk sŏng dăng lam dak Ƀan rđău đă gưl neh dak đah Ƀan rđău đă 63 n'gor, nkual ƀon têh mpeh pah kan njrăng, n'gang COVID-19. Lah ta rơh hop, Thủ tướng Chính phủ Phạm Minh Chính lah rjăp, bar pe nar aơ, nuh srê tât krit nji, geh âk nuĭh ntưp lam ƀon lan, nuĭh rgâl jêng nău ji jru n'hanh khĭt, rơh hop dja ân tâm nchră rgum tâm 8 rmôt pah kan tơm, ân ndơ̆ luh trong nkra na nê̆, kalơ nuih n'hâm nê, đăp mpăn tâm ban ŭch dơn ngoăy bah Ƀan rđău đă ăp n'gor, ăp nkuâl tât xã mpeh rnoh tât kan, trong gĭt lor; pah kan njrăng, n'gang nuh srê ân ƀư lhăt, răp jăp; khoa học, tâm di, geh nău tam. Thủ tướng nkah tay nău đă dŭt mbrơi tât 31/12 ân chuh tŏng 2 n'glai an nuĭh ntơm bah 18 năm deh let lơ, chuh n'glai 3 an ăp nuĭh ân dơi chuh. Ăp n'gor geh trong nchrăp nkoch trêng n'hao nău gĭt êng bah nuĭh ƀon lan, mât uănh nuĭh ƀon lan tâm rơh tết dương lịch n'hanh âm lịch mhâm ƀư an đăp mpăn./.

Nuĭh rblang: Điểu Thân