VOV4.M’nông: Kêng măng 14/12, ta Hà Nội, Thủ tướng Chính phủ Phạm Minh Chính hŏ râng bôk nau kan ndâk njêng nau rgâl mhe bah neh dak ndrel Pơh ƀư nau rgâl mhe ndrel ndâk nau kan tâm nkuăl ƀon têh Hồ Chí Minh (TECHETS ndrel WHISE 2021) yor n’gâng kan Khoa học ndrel công nghệ tâm rgop nsum đah N’gâng kan nchră nau, UBND nkuăl ƀon têh Hồ Chí Minh, Jrâu kan tăch rgâl ndrel Công nghiệp Việt Nam ƀư tĭng nau kan trực tuyến ndrel sŏng đah 63 ntŭk ƀoh tâm ăp n’gor, nkuăl ƀon têh ndrel bơi tât 20 dak lam ntur neh. Bôk nau kan ndâk nau rgâl mhe neh dak ndrel pơh ƀư nau rgâl blau mhe ndrel ndâk nkuăl ƀon têh Nkuăl ƀon têh Hồ Chí Minh đah nkô̆ nau rƀŏng tât: ndâk nau mĭn, pơk ăp nau blau mhe, tâm rgop ntrong kan ndâk nau kan mhe neh dak TECHFEST 2021 ƀư rjăp nau tâm nthoi mô geh nau tâm ƀah bah kon nŭih Việt Nam, nau blau Việt Nam ndrel nau mpŏng Việt Nam. Ntoh nau tâm bôk nau kan, Thủ tướng Chính phủ Phạm Minh Chính ân lah, rgâl mhe, blau mhe lah nau đă ƀư geh nau dơi bah nau hun hao. Thủ tướng đă ăp gưl kan, ăp rmôt kan gay rgum lơi nau rgâl blau mhe gay geh nau ntĭm nti, nau blau, nau tă dơi ân nau rgâl mhe rnôk aơ ndrel tâm rơh tât./.

Nŭih rblang: H’Thi