VOV4.M’nông – Uănh dăn đă bah Kruanh N’gâng kan Công an n’hanh Kruanh Ban Tâm rlong-Rnê nkhôm Trung ương, Thủ tướng Chính phủ lĕ geh sam ƀŭt mbơh mrô 1065/TTr-TTg nar 3/8/2021 dăn đă kruanh dak nkhôm an Huân chương Chiến công hạng nhì an Thượng úy Phan Tấn Tài, Cán bộ, Rmôt cảnh sát uănh nđôi nău tih mpeh ma túy, Công an Quận 6, công an nkual ƀon têh Hồ Chí Minh, N’gâng kan Công an, lĕ nchih nău kan uĕh ta lơh rdâng, rhŏ pah kan, rgop tâm nău kan ndâk njêng chủ nghĩa xã hội n’hanh mât njrăng Neh dak. Ta năp nĕ, kêng măng 2/8, Rmôt uănh nđôi ăp phường geh 4 cán bộ tahen (tâm nĕ geh Thượng úy Phan Tấn Tài, trinh sát Rmôt Cánh sát uănh nđôi nău tih mpeh ma túy Công an quận 6) pah kan uănh nđôi, groi uănh njrăng, n’gang srê. Ta trong uănh nđôi, Rmôt pah kan saơ du hê bu ndăm hăn trong mô geh nău khlay, tih nău ntrŭnh njrăng n’gang srê. Rmôt uănh nđôi đă sĭt ngih pah kan Công an phường gay mkra. Ta trong hăn, pơng mô djăt, nchoăt ndeh du jêng rmôt uănh nđôi tĭng. Tâm rnôk tĭng, pơng mpet ndeh ƀư ndeh bah Thượng úy Phan Tấn Tài prah n’hanh khĭt.

Nuĭh rblang: Y Sưng Phê Ja