VOV4.M’nông: Ntŭk kan Chính phủ geh nau ntrŭnh đă mbơh nau bah Thủ tướng Chính phủ Phạm Minh Chính mpeh nau rnê nkhôm, bonh đă ăp rmôt, ăp nŭih geh nau blau tâm nau kan njrăng, rdâng srê Covid-19. Tĭng nê, tâm rơh rlau aơ, âk nkuăl ƀư ân rjăp ăp nau ntrŭnh, tâm ban, nau blau mhe, săk tam ăp nau kan njrăng, rdâng srê Covid-19. Gay năn bonh đă ăp rmôt, ăp nŭih, rmôt kan njrăng rdâng srê, Thủ tướng Chính phủ Phạm Minh Chính đă ăp n’gâng kan, ntŭk kan tâm ban bộ ndrel UBND ăp n’gor, nkuăl ƀon têh năn bonh đă, rnê nkhôm ndrel đă nkhôm đah ăp rmôt, ăp nŭih geh nau blau nau kan, nau dơi ueh, ntoh lư tâm nau kan njrăng, rdâng srê Covid-19. Nkre lah, geh nau kan kơl an mpeh drăp ndơ ndrel nuih n’hâm tât đah rmôt njrăng rdâng srê ndrel me, mbơ̆, kon jê̆...bah ăp nŭih râng ƀư nau kan./.

Nŭih rblang: H’Thi