VOV4.M'nông: Thủ tướng Chính phủ Phạm Minh Chính n'hanh mpôl pah kan bah Chính phủ hŏ pah kan đah kruanh rđău kan n'gâng tơm n'gor Hưng Yên mpeh pah kan rdâk njêng Đảng, nô nău hun hao wăng sa, rêh jêng kon nuĭh n'hanh pah kan rdâk njêng Đảng năm 2021; trong rƀŏng, nău kan năm 2022. Mpeh trong rƀŏng nău kan tâm let năp tay, Thủ tướng Chính phủ Phạm Minh Chính đă: ân nsrôih rgâl mhe, blău ƀư mhe, ntrôl dăng hun hao lam lĕ rngôch, ngăch n'hanh nâp dăng, hun hao công nghiệp công nghệ mhe, công nghiệp geh rnoh khlay âk, têh mhe. Hun hao wăng sa- rêh jêng kon nuĭh hăn ndrel đah mât ndray, mpư n'hao ăp rnoh khlay văn hoá way ơm, mât uĕh ăp rnoh khlay lịch sử văn hóa săk ntơr êng n'hanh mât njrăng ntŭk gŭ rêh; nkra uĕh ăp nkô̆ nău rêh jêng kon nuĭh. Mpeh njrăng n'gang COVID-19, tĭng ƀư jăp ăp trong rƀŏng bên di đăp mpăn, ngăch ngăr, mât kân geh nău dơi nuh srê COVID-19. Nkoch trêng tay âk nuĭh ƀon lan tĭng ƀư tay jăp 5K; mô uănh lhơ, tĭng ƀư jăp trong nchrăp chuh vaccine.

Nuĭh rblang: Điểu Thân