VOV4.M’nông: Kêng măng 1/12, Thủ tướng Chính phủ ƀư tơm nar pah kan trực tuyến đah Rnâng kan Chính phủ đah rđau kan tơm bah nkuăl ƀon têh Đà Nẵng mpeh nau kan hun hao văng sa, rêh jêng. Thủ tướng Chính phủ Phạm Minh Chính kơp dơn, rnê prêh ăp nau nsôih bah ăp rđau kan, gưl uỷ đảng, n’gâng kan, tahen ndrel ƀon lan nkuăl ƀon têh Đà Nẵng tâm nau njrăng, rdâng srê Covid-19 ndrel hun hao văng sa rêh jêng tâm rơh rlau aơ.

Êp nê, Thủ tướng hŏ nchŏng luh ăp nau ê dơi mpeh nau kan ndrel nau geh jêng bah văng sa, hun hao văng sa ê geh tâm ban ma nau geh jêng ndrel nau uănh kơl bah Đảng, Ngih dak. Tâm rơh tât, Thủ tướng đă nkuăl ƀon têh Đà Nẵng ân geh ƀư ueh nuih n’hâm tâm rnglăp, nsôih, njêng nau mô geh jêng geh, njêng nau jêr jêng nơih, rgâl mhe, rklaiih nau jêr gay rlet hao. Nkre lah đă ăp N’gâng kan, ntŭk kan tâm nau kan bah nơm ân rgum doh rklaih nau kol, pơk trong ân Đà Nẵng hun hao./.

Nŭih rblang: H’Thi