VOV4.M’nông: Kêng măng 22/12, Thủ tướng Chính phủ Phạm Minh Chính ndrel rmôt kan bah Chính phủ pah kan đah rđau kan tơm bah n’gor Quảng Bình. Jêh rnôk djăt ăp nau rgop bah ăp rmôt kan Trung ương ndrel rđau kan bah n’gor Quảng Bình, Thủ tướng Phạm Minh Chính rnê ngăn ăp nau tă geh ma n’gor Quảng Bình dơi geh ƀư tâm rơh rlau aơ, Thủ tướng lah rjăp, năm 2021, bol ma mâp âk nau jêr, ntul rlong yơn Đảng bộ, n’gâng kan ndrel ƀon lan Quảng Bình hŏ nsôih, dơi geh ăp nau ueh ngăn.

Thủ tướng lah kloh, năm 2022, kŏ lah năm geh nau khlay ƀư nau ntrŭnh Đại hội XIII ndrel Đại dội Đảng ăp gưl. Nkô̆ nau lah ân geh hun hao nâp nâl, hun hao jru, hvi tâm nau rêh nuih n’hâm, drăp ndơ bah ƀon lan ân geh đăp mpăn chính trị rnă njrăng, mât nâp neh dak ndrel nsing tâm nau dơi ueh. Thủ tướng đă Quảng Bình ân nkân njrăng srê ân nâp, ndal njêng njêng nkô̆ nau chuh njrăng vắc xin tal 2 ân nŭih ntơm 18 năm tâm khay 12, ƀư jêh nau chuh nglai tal 3 tâm 3 khay bôk năm 2022./.

Nŭih rblang: H’Thi