VOV4.M'nông: Ôi 22/12, ta nkual ƀon têh Đồng Hới, n'gor Quảng Bình, Ban chấp hành Trung ương Đảng, Quốc hội, Kruanh dak, Chính phủ, Ủy ban Trung ương Mặt trận tổ quốc Việt Nam n'hanh n'gor Quảng Bình khuh n'gôr ƀư nkah ndray 110 năm Nar deh bah Đại tướng Võ Nguyên Giáp (25/8). Thủ tướng Chính phủ Phạm Minh Chính râng n'hanh răk si ƀŭt nkah ndray.

Lah ta rơh nkah ndray, Thủ tướng Chính phủ Phạm Minh Chính lah rjăp kon nuĭh, trong gŭ rêh n'hanh ăp nău an n'hâm suan têh kuâng bah Đại tướng đah n'gâng kan cách mạng Việt Nam n'hanh lam ntŭr neh mbra mbro mbrăng dơi mât săk lư n'gloh ang bah rnoi nuĭh he n'hanh trong leo kan cách mạng lam ntŭr neh. Nkhêp geh nar rgum khlay dja, ntơh măt kruanh rđău kan Đảng, Ngih dak, Thủ tướng Chính phủ Phạm Minh Chính dăn đă ăp gưl, ăp n'gâng kan, ăp n'gor n'hanh ŭch rŏng cán bộ, tahen lam ntŭk mât uĕh lơn đŏng nuih n'hâm tâm rnglăp, nsum suan, du nuih n'hâm, rgum lăp kan bah lam chính trị, ƀon lan lam dak, ƀon lan he gŭ dak bah dih n'hao tay nuih n'hâm rŏng dak, nău mĭn nsrôih ndôr êng, suan dăng tâm rnglăp lam rnoi nuĭh n'hanh kroh khar nsan hao, nsrôih rlău ăp jêr jŏt, ntul rlong ta năp măt, nsrôih tĭng ƀư geh nău dơi Nghị quyết Đại hội tâl XIII bah Đảng.

Nuĭh rblang: Điểu Thân