VOV4.M’nông: Ôi lơ 6/1, Thủ tướng Chính phủ Phạm Minh Chính râng rƀŭn lôch nau kan ntŭk kan Tơm prăk năm 2021 ndrel ntrŭnh nau kan năm 2022. Ntoh nau tâm nar rƀŭn, Thủ tướng Chính phủ đă, ntŭk kan tơm prăk, ân ƀư ueh nau rđau kan dŏng tơm prăk Ngih dak năm 2022 ân nâp, têm nkre, săk tam, tâm nau nchrăp Quốc hội ntrŭnh; đăp mpăn nau ƀư ăp nau kan dŏng khlay, rgum nau kơl an ân njrăng, rdâng srê Covid-19, ăp nau kan ndal, ntrŭt dăng nau pă tơm prăk ntuh kơl nsum, ndâk ân nau văng sa ndrel ntrŭt dăng hun hao văng sa.

Thủ tướng rnơm lah, đah nau vay 76 năm ndâk njêng ndrel hun hao, nau nsôih bah lam rđau kan, ntŭk kan, nŭih pah kan bah ntŭk kan, n’gâng kan tơm prăk mra lŏ rlet nau jêr, ntul rlong ndrel đăp mpăn ân jêh ueh nkô̆ nau kan tơm prăk-Ngih dak, ntrŭnh ƀư ueh Bôk nau kan ndâk njêng ndrel hun hao văng sa rêh jêng, rgop nau ƀư jêh nau nchrăp hun hao văng sa rêh jêng năm 2022 bah lam dak, njêng nơih ueh gay hun hao ueh lơn nau nchrăp hun hao văng sa rêh jêng 5 năm 2021-2025 ndrel nau ntrŭnh 10 năm 2021-2030 tĭng nau ntrŭnh Đại hội Đảng tal XIII./.

Nŭih rblang: H’Thi