VOV4.M’nông – Ôi 10/1, ta Ngih Chính phủ, Thủ tướng Chính phủ Phạm Minh Chính n’hanh Thủ tướng Chính phủ dak Cộng hòa Dân chủ nhân dân Lào Phankham Viphavanh lĕ tâm  ƀư tơm Rơh rƀŭn rơh tal 44 Ủy ban 2 Chính phủ mpeh kan ndrel ăp ding Việt Nam-Lào.

Rơh rƀŭn tal 44 Ủy ban 2 Chính phủ Việt Nam-Lào.

2 ding lĕ tâm nchră tâm ban ŭch, na nê̆ ăp nău rgop n’glôn jêh bah 2 Bộ chính trị n’hanh Tâm ton trong nchrăp kan ndrel đah 2 dak năm 2022, tâm ban ŭch ƀư dŭt n’hâm bah bôk năm gay ntrôl kan ndrel ta lĕ rngôch nău kan chính trị-tâm nchră nău bah dih-rnă njrăng bri dak, ntuh kơl-tăch rgâl. Ăp nkô̆ nău n’hanh trong tâm rgâl ta rơh rƀŭn rơh aơ geh nkô̆ nău khlay tâm nău na nê̆ ăp tâm ton kan ndrel gưl prêh, kơl ăp n’gâng kan, nău kan, ƀon lan, doanh nghiệp 2 dak dơh lơn tâm rnôk mbơh ƀư ăp nău kan ndrel, rƀŏng tât ƀư lôch uĕh trong nchrăp kan ndrel 2022. Jêh rơh rƀŭn, 2 Thủ tướng lĕ uănh saơ ƀư ký ton, an 9 văn kiên kan ndrel đah Chính phủ n’hanh ăp n’gâng kan, nău kan, ngih pah kan, doanh nghiệp 2 dak.

Nŭih blang: Y Sưng Phê Ja