VOV4.M’nông – Ôi 8/1, jêh Ƀư wơt n’hanh rgum nchră, Thủ tướng Chính phủ Phạm Minh Chính n’hanh Thủ tướng Chính phủ dak Cộng hòa Dân chủ nhân dân Lào Phankham Viphanvanh lĕ ƀư tơm rƀŭn mbơh mpeh jêh rgum nchră n’hanh rgŏ jă Năm Tâm rnglăp dăch deh Việt Nam-Lào, Lào-Việt Nam 2022. Ntoh ngơi ta rƀŭn mbơh nsum, 2 Thủ tướng lĕ kơp tay ăp săk rnglăy khlay ta rơh rgum nchră, 2 nuĭh kruanh an gĭt nău tâm boh dăch dêh têh, nău rnglăp rnglăp khlay n’hanh kan ndrel lĕ rngôch đah 2 Đảng, 2 ngih dak n’hanh nuĭh ƀon lan 2 dak tâm năm bah năp mô rlu dơi nâp nâl n’hanh n’hao tay.

Ƀư rgŏ jă “Năm tâm rnglăp dăch dêh Việt-Lao”.

Thủ tướng Chính phủ 2 dak mbra ntĭm rđău ăp n’gâng kan, nău kan, ƀon lan ăp ding ndăn kơp uănh, dôh rklaih jêr jŏt, n’gluh an ăp trong ƀư, nău kơl an 2 dak, nta an ntrôl dăng kan ndrel tăch rgâl n’hanh ntuh kơl, đăp mpăn ngăch, uĕh nâp bah ăp nău nchrăp ƀư kan ndrel đah 2 dak.

Nŭih blang: Y Sưng Phê Ja