VOV4.M'nông: Kêng măng 15/12, ta Nhih pah kan Trung ương Đảng hŏ khuh n'gôr ƀư Lễ ntăm an wa Nguyễn Phú Trọng, Tổng Bí thư Ban Chấp hành Trung ương Đảng Cộng sản Việt Nam ndơ Nkhôm rnê Lê-nin bah Ban Chấp hành Trung ương Đảng Cộng sản Liên bang Nga. Wa Lê-ô-nhít Ka-las-xnhi-cốp, Groi kruanh Đảng, Chủ nhiệm Ủy ban ăp nkô̆ nău mpeh ăp dak đăp mpăn êng, Tâm rgop Á-Âu n'hanh Ƀon lan gŭ dak bah dih Duma Quốc gia Nga, hŏ ntơh măt Ban Chấp hành Trung ương Đảng Cộng sản Liên bang Nga ntăm an Tổng Bí thư Nguyễn Phú Trọng ndơ Nkhôm rnê dŭt têh khlay bah Đảng Cộng sản Liên bang Nga n'hanh Đảng Cộng sản Liên Xô.

Lah ta rơh lễ, Tổng Bí thư Nguyễn Phú Trọng lah uĕh Đảng Cộng sản Liên bang Nga hŏ ntăm an  ndơ nkhôm rnê geh moh Lê-nin têh khlay. Tổng Bí thư Nguyễn Phú Trọng lah kloh, Đảng Cộng sản Việt Nam sŏk chủ nghĩa Mác-Lê-nin, nău mĭn Hồ Chí Minh ƀư jâng nsing nău mĭn, du trong hăn sŏng tâm rơh rdâng njêng, mât njrăng n'hanh hun hao neh dak, trong hăn tât chủ nghĩa xã hội. Tổng Bí thư Nguyễn Phú Trọng lah rjăp Đảng Cộng sản Liên bang Nga n'hanh ăp dak băl tâm boh Nga rdâk tay, n'hao dăng tay tâm boh Têh jong lam lĕ rngôch Việt Nam-Liên bang Nga n'hanh tâm boh tâm rnglăp ƀon lan bar dak./.

Nuĭh rblang: Điểu Thân