VOV4.M’nông: Ôi lơ 16/12, ta Hà Nội, Quân uỷ Trung ương ƀư rƀŭn tal 3, năm kan 2020-2025 nchră nau mbơh lôch nau kan tahen, neh dak năm 2021, rƀŏng trong rđau ƀư nau kan tahen, neh dak ndrel ndâk njêng Đảng bộ tahen năm 2022. Tổng Bí thư Nguyễn Phú Trọng, Bí thư Quân uỷ Trung ương ƀư tơm nar rƀŭn. Ntoh nau tâm nar pơk bôk nar rƀŭn, Tổng Bí thư Nguyễn Phú Trọng ŭch, ăp ntoh măt rgum tâm nau mĭn, rgop nau tâm nchră, nchră tâm ăp nau mbơh lôch nau kan tahen, neh dak năm 2021, ndrel tâm ban nau nchrăp ntrong kan rđau nau ƀư nau kan tahen, neh dak ndrel ndâk njêng Đảng bôk tahen năm 2022 ndrel lôch năm. Kêng măng ndrel nar, Đại tướng Phan Văn Giang, Kruanh n’gâng kan neh dak ƀư tơm nar rƀŭn Quân uỷ Trung ương nchră: Nau nchrăp nau ntrŭnh bah Quân uỷ Trung ương mpeh “ƀư ueh nau rêh “tehan Wa Hồ”, mbơh nau lôch tâm nar ƀư tĭng nau ntrŭnh bah Quân uỷ Trung ương mpeh “Rđau nau ƀư nau kan ê nkra, ndâk njêng văng sa tâm rgop nsum đah neh dak bah Tahen tât năm 2020”./.

Nŭih rblang: H’Thi