VOV4.M'nông: Nar 20/12, ta Hà Nội hŏ ƀư Tâm nchră Đảng uỷ Công an Trung ương. Rđău đă tâm nchră, Tổng Bí thư Nguyễn Phú Trọng năl lah, đah n'gâng kan Công an năm 2021 lah du năm dŭt krit jêr, yơn dŭt n'hao êng săk đŏng, gay an tay nău nkah uĕh.

Ta nâm nău rđău kan bah Đảng, mât nău kan bah Ngih dak, lam mpôl kan công an ƀon lan ƀư lôch jêh lĕ rngôch ăp ntil pah kan năm aơ, tâm nê geh âk nău kan ƀư lôch jêh ngăch prăl kơt: ƀư jăp pah kan tâm boh dak bah dih, pah kan rgŏ jă tâm nô nău krit jêr; nsrôih râng nchrăp lor, geh nău tam tâm rơh rlăch ndăng njrăng, n'gang sa khâm. Nkoch mpeh nău kan tâm let năp tay, Tổng Bí thư Nguyễn Phú Trọng dăn đă, Đảng bộ Công an Trung ương, mpôl công an ƀon lan mât uĕh tay nău dơi, nău tă ơm gĭt kan tâm bah ri aơ nơh, lor nchrăp rƀah gĭt nău lư; mô an geh ndrât ndal tâm ăp nău tât. Lor nchrăp ăp trong nkra, năn ngăch đah rnă njrăng, đăp mpăn ăp nar kan chính trị khlay bah neh dak./.

Nuĭh rblang: Điểu Thân