VOV4.M'nông: Ôi 5/1, ta Nhih pah kan Chính phủ ta nâm nău ƀư tơm bah Thủ tướng Phạm Minh Chính, Chính phủ ƀư tâm nchră pơk sŏng dăng lam dak an ƀư nău n'glôch jêh bah Trung ương n'hanh Nghị quyết bah Quốc hội khoá 15 mpeh trong nchrăp hun hao wăng sa rêh jêng kon nuĭh năm 2022. Tât râng n'hanh lah rđău đă tâm nchră, Tổng Bí thư Nguyễn Phú Trọng lah kloh, let năp tay Chính phủ ân rgum tĭng ƀư geh nău tam bôk nău kan sĭt jêng tay n'hanh hun hao wăng sa- rêh jêng kon nuĭh, nkre đah tĭng ƀư rnoh tât kan mât kân bah hao khlay ndơ, đăp mpăn jâng wăng sa têh n'hanh ăp nău geh tâm ban têh bah jâng wăng sa.

Rgâl uĕh tay ntŭk ntuh kơl tăch rgâl, ntrŭt ntrôl hun hao ngăch n'hanh nâp dăng, ngăn ngăn lơn. Thủ tướng Chính phủ Phạm Minh Chính lah rjăp, tâm nchră dja mbra rgum rblang, uănh năl lôch jêh geh tĭng ƀư nău kan chính trị năm 2021, lah rjăp ăp nău dơh n'hanh nchŏng luh ăp ntŭk rbăn lhơ, nău khoah n'hanh nkô̆, lơn lah nkô̆ uănh lhơ. Nkre, dăn đă ăp trong nkra sĭt jêng tay, tâm nchră na nê̆ n'hanh dơn ngoăy mpeh rnoh tât kan, trong nkra tơm gay tĭng ƀư nău kan chính trị khlay Đảng, Ngih dak n'hanh ƀon lan jao an./.

Nuĭh rblang: Điểu Thân