VOV4.M'nông: Ôi 7/12 ta Nhih pah kan Trung ương Đảng, Tổng Bí thư Nguyễn Phú Trọng hŏ wơt wa Saysomphone Phomvihane n'hanh Mpôl ntơh măt gưl têh Quốc hội Lào. Kruanh Quốc hội Lào mbơh đah Tổng Bí thư Nguyễn Phú Trọng mpeh nô nău Lào mhe aơ, lơn lah nău an  ƀư Nghị quyết Đại hội XI bah Đảng; mpeh lôch jêh tâm nchră đah Kruanh Quốc hội Vương Đình Huệ n'hanh tâm nchră nău tă ơm gĭt kan đah bar Quốc hội. Păng lah rjăp, Quốc hội Lào mbra kan nsum lhăt đah Quốc hội Việt Nam tĭng ƀư geh nău tam ăp nău tâm ton đah Kruanh rđău kan gưl têh bah Đảng, bar dak n'hanh tâm ton tâm boh đah bar Quốc hội. Tổng Bí thư Nguyễn Phú Trọng lah rjăp Việt Nam ŭch tĭng âk n'hanh lam lĕ rngôch rgâl mhe bah Lào n'hanh nsing nơm đah nău way ơm cách mạng, ta nâm nău rđău kan bah Đảng ƀon lan Cách mạng Lào, nău mât bôk kan bah Chính phủ, nău groi nđôi bah Quốc hội, ƀon lan Lào geh tay âk nău dơi mhe, têh kuâng lơn tâm rơh rgâl mhe, tĭng ƀư geh nău dơi Nghị quyết Đại hội XI bah Đảng.

        Nuĭh rblang: Điểu Thân