VOV4.M’nông – Tâm rnôk nu nău srê Covid-19 dôl geh jêr jŏt ta âk ntŭk ta lam dak, gay trong kan trok prăk đăp mpăn tŏng ăp, đăp mpăn an nuĭh rlu ranh, ntop kơl BHXH, BHXH Việt Nam đă Tổng Công ty Bưu điện Việt Nam n’hanh BHXH ăp n’gor nkual ƀon têh trok prăk rlu ranh, ntop kơl BHXH khay 9 n’hanh khay 10/2021 tâm ndrel du rơh trok. Tĭng nĕ, BHXH ăp ntŭk ndâk ƀư trong kan trok an nuĭh dơn đah prăk măt tŏng ăp đăp mpăn njrăng n’gang srê. Nău ƀư trok prăk, dêr rgum âk nuĭh; ƀư mbơh an nuĭh dơn gĭt ăp nkô̆ nău rgâl mpeh trong trok, nar trok, ntŭk trok prăk gay ƀư. Aơ lah rơh tal 4 tâm năm aơ, BHXH Việt Nam ntĭm rđău BHXH ăp n’gor, nkual ƀon têh tâm rgop đah nău kan Bưu điện ƀư trok prăk khay rlu ranh, ntop kơl BHXH rgum 2 khay tâm du rơh trok gay đăp mpăn nău dơi an nuĭh dơi sŏk tŏng ăp, ngăch, nkre rgop đăp mpăn njrăng n’gang srê.

Nŭih rblang: Y Sưng Phê Ja