VOV4.M’nông – Gay rhŏ an nău ŭch hăn nsong bah nuĭh ƀon lan tâm rơh Tết Nguyên đán 2022 êp tât, Tổng công ty trong ndeh trêng Việt Nam lĕ n’hanh dôl pơk tăch vé ăp ndeh treng rdêng nuĭh Thống Nhất trong hăn Hà Nội-Sài Gòn, trong Đà Nẵng-Sài Gòn. Lơn lah, bah nar 4/1/2022 Nău kan Trong ndeh treng pơk tach vé ăp rmôt tàu bah nkual ƀon têh Hồ Chí Minh tât Phan Thiết, Nha Trang, Quy Nhơn, Quảng Ngãi n’hanh rlơ̆ tay. Ăp rmôt tàu aơ hôm e kơt tĭng nău kơl lĕ rwa, lĕ nhoang đah ăp nău kơl an kơt: n’hŭch prăk vé bah 10% tât 15%, dơi pă an ndơ sa tâm tàu, ta ăp jay njưh, bu năch dơi pă jrô kâp mô lah ntŭk kâp êng n’hanh pă trong hăn êng rnôk hao, jrŭnh tàu... gay đăp mpăn lĕ rngôch an nuĭh hăn tàu, nău kan Trong ndeh treng mâp tay ăp trong njrăng n’gang srê Covid-19; n’hao trong kan răk rao ntŭk ntô, puh rao kaman; pă dak rao ty, rao kaman; ƀư uănh vĕ duh săk an năch rnôk lăp jay hao tàu.

Nŭih blang: Y Sưng Phê Ja