Tĭng nĕ, ntil ndơ tuch tăm bâh Dak Lak tăch an dak bah dih nsĭt tay rnoh prăk dak bah dih dŭt âk hôm nha lah cà phê, lôch nĕ lah điều, tiêu, cao su, ndơ si đar n’hanh ăp ntil play sa.

Na nê̆, 6 khay ba năp Dak Lak lĕ tăch an dak bah dih geh 228 rbăn tấn cà phê, geh klâp ma 485 rkeh dolar, tâm ban bơi tât 12 rbăn rmen prăk, tal 2 lah điều đah 2.500 rmen prăk, tal pe lah tiêu, klâp ma 1.800 rmen prăk, hôm e lah cao su, ăp ntil ndơ si đar n’hanh ăp ntil play sa, phe, măc ca. Wa Huỳnh Ngọc Đương groi giám đốc ntŭk kan n’gor an gĭt, gay ma mât nău hun hao tâm ban kơt mât đăp mpăn nău tăch ndơ an dak bah dih ntil ndơ tuch tăm ta Dak Lak geh 1 rmen 610 rkeh đolar klâp ma 38 rbăn rmen prăk, tĭng nău nchrăp năm 2023, n’gâng kan công thương dôl nsrôih mbơh tơih âk rmôt kan doh rklaih kơl an doanh nghiệp tâm nău tăch ngluh ăp ntil ndơ tuch tăm.