VOV4.M'nông: Tĭng Bộ Nông nghiệp n'hanh Phát triển nông thôn, rlău  9 khay, lĕ rngôch nsĭt geh tăch n'gluh ndơ tuch tăm si  gle, tui ka nchroh nklăp 40,8 rmen đô la Mỹ, hao 15,2%. Tĭng nê, rnoh khlay tăch n'gluh ndơ tuch tăm si  gle, tui ka geh nklăp 6,9 rmen đôlar, hao rlău 2 tơ̆ rđĭl đah ndrel khay dja năm e nơh. Kơp nsum  9 khay rmôt ndơ tuch tăm tơm, si gle tơm n'hanh tui ka tăch n'gluh hao da dê. Tât aƀaơ, lam n'gâng kan tuch tăm geh 7 ntil ndơ, rmôt ndơ geh rnoh tăch n'gluh tât rlău 2 rmen đôlar lah cà phê, cao su, phe, biăp play, điều, tui, ndơ ƀư bah si. Âk ntil ndơ tât geh rnoh tăch n'gluh âk rlău ndrel  khay dja năm e nơh kơt: cà phê, cao su, phe, tiêu, bum blang n'hanh ndơ geh ƀư bah bum blang, ka tra, tui, si  n'hanh ndơ geh ƀư bah si...Tâm nê, du đêt ndơ geh nău hao âk tâm tăch n'gluh nơm geh hao rnoh khlay kơt cà phê hao bơi 22%, tiêu hao rlău 30%...Mpeh ntŭk tăch n'gluh, Mỹ lah ntŭk tăch n'gluh dŭt têh bah Việt Nam, geh rlău 10,5 rmen đôlar, lôch nê lah Trung Quốc, Nhật Bản, Hàn Quốc…/.

 VOV.VN

Nuĭh rblang: Điểu Thân