Aƀaơ, ta ăp ntŭk ta nkual đồng bằng sông cửu Long, Đông nam Bộ n’hanh tây Nguyên tơm sầu riêng dôl geh hun hao âk ndal, ngăn lah pơk hvi rnoh neh tăm ta ăp nkual geh neh ntu, nkual neh mô tâm di. Geh ntŭk sreh rôk tơm cà phê, tơm tiêu tâm mir tăm tâm breh đah mir sầu riêng, rgâl rnoh neh ba gay ma tăm tơm sầu riêng...

Tĭng nău mbơh bâh ntŭk kan tuch tăm, nău n’hao du rnoh neh tăm âk ndal, mô dơi mât njrăng, tĭng tâm kơt, mô tĭng trong kan, mbơh ntĭm bâh ntŭk kan mât uănh, ntŭk kan way kan mbra jêng jêr mât uănh, geh khuch âk tât nău geh n’hanh nău ueh sầu riêng bâh Việt Nam. Gay ma hun hao tơm sầu riêng nâp nâl, săk rnglăy, tâm di đah nău mpŏng hun hao nsum bâh n’gâng kan, ntŭk kan tuch tăm dăn đă ăp ntŭk kan tuch tăm mât rong n’hanh hun hao ƀon lan ăp n’gor, nkuăl ƀon têh mpeh ba dâng mbơh tơih, rgŏ jă, ntĭm đă, gay ma geh njoat rgâl mhe nău bên dan, gĭt vât nău pah kan jan sa bah tâm kơt, tĭng rnoh âk, nău hun hao  tơm tăm lah nsum n’hanh sầu riêng lah êng an geh tĭng nău mpŏng kan ta ntŭk tăch rgâl, tĭng trong mpŏng bâh ăp ntŭk kan mât uănh.