Nar ntri (14/6), ta nkual ƀon têh Buôn Ma Thuột, n’gor Dak Lak, Ntŭk rgum ntrŭt nsôr tuch tăm gưl neh dak kan nsum đah Viện Khoa học Kỹ thuật Nông Lâm nghiệp Tây Nguyên n’hanh Công ty Cổ phần Phân poh Bình Điền ƀư tâm nchră bôk nău kan an ƀư bôk nău kan “Mât chăm cà phê bên di đah rgâl duh nđik trôk nar nkual Tây Nguyên” lvang năm 2023-2025. Bôk nău kan dơi rlong an ƀư ta 15 nkuâl tơm âk cà phê dơm n’hanh tăm rlŭ đah sầu riêng, tiêu bah Tây Nguyên.

Ta rơh tâm nchră, ăp cán bộ ntrŭt nsôr tuch tăm tâm dơi kơi năp nti ăp trong rgum nchih nău lư ta rlău 500 rnăk mât chăm cà phê ta 5 n’gor Tây Nguyên. Wa Phan Văn Tâm, Công ty cổ phần phân poh Bình Điền an lah: Tâm nchră kơl ăp ding râng gĭt kloh lơn mpeh nău dơn kan ăp nuĭh tâm bôk nău  kan, ntơm bah nê đăp mpăn jêh geh dơi tĭng ƀư mbra ntop kơl uĕh an ƀon lan tăm cà phê nkual Tây Nguyên, kơl ƀon lan dŏng n’hanh ndăn dŏng ăp nău dơi geh bah bôk nău kan du trong geh nău tam./.