Bôk ntuh du xã du ntil ndơ geh ăp nar lơ ma mât uănh, geh âk ntŭk tât râng bâh âk ntŭk kan. Rơh uănh năl, pă rnoh ndơ rơh aơ, geh 30 ntil ndơ bâh  ăp rmôt ndơ ngêt sông, ndơ sa, dak si bâh 18 ntŭk kan lah ăp công ty TNHH, HTX n’hanh rnăk tăch rgâl ta ntŭk nkuăl ƀon têh Buôn Ma Thuột, nkuăl Krông Păk, Krông Năng, Cư Mgar n’hanh Krông Ana. Aơ lah ăp ntil ndơ tuch tăm ntoh lư, ntoh lư êng ta ăp nkual ăp ntŭk geh ntuh kơl mât ueh, kah, gĭt na nê̆ tu tơm. Tât aƀaơ, lam n’gor Dak Lak lĕ geh 110 ntil ndơ OCOP geh bâh 3-4 sao.

Tâm nău hun hao ntil ndơ OCOP, n’gor Dak Lak nsrôih tât năm 2025 geh 200 ntil ndơ OCOP, năm 2030 geh 300 ntil ndơ geh pă kơp dơn. Ăp ntil ndơ ntơm n’hao nău ueh, nău khlay, geh tăch âk ntŭk tăch rgâl tâm dak n’hanh bah dih dak na nê̆ lơn.