Nar nđaơ (14/7), Hiệp hội sầu riêng n’gor Dak Lak ƀư Rƀŭn nchră boăt nthoi tăch ndơ sầu riêng năm 2023. Ta rƀŭn nchră, ntoh măt ăp doanh nghiệp way kan ndơ sầu riêng lĕ nkoch mpeh nu nău nkra njêng, tăch rwăt sầu riêng ta ăp n’gor mpeh bah dâng năm 2023, rhoăt nău blău ơm an n’gor Dak Lak, ăp nău blău mpeh hun hao nău khlay tâm nkra njêng tăch rgâl sầu riêng bah du đêt dak jêh nkra njêng, mât prăp jêh pĕ, ăp nău dơh jêr jŏt tâm nkra njêng ndơ lŏ mir tăch n’gluh.

Ăp hợp tác xã, rmôt kan ndrel nkoch mpeh nu nău nkra njêng, nău blău mât uănh, dŏng pah kan HTX n’hanh ăp jêr jŏt tâm rnôk mbơh ƀư ta nkual tăm. T rƀŭn nchră aơ, Hiệp hội sầu riêng n’gor Dak Lak lĕ ký ton nkah gĭt đah Ntŭk kan hun hao wăng sa lŏ mir, Công ty Cổ phần công nghệ phần mềm Autoagri n’hanh mbơh Cổng thông tin bah Hiệp hội ta ntŭk joi-Hiephoisauriengdaklak.org.vn gay boăt nthoi ăp nuĭh tâm hiệp hội.