VOV4.M'nông: Nar 16/9, Hội Nông dân n'gor Dak Lak ƀư rgum nchră "Ƀon lan kan lŏ mir ntơm njêng nău kan, blău ƀư mhe tâm rơh rgâl mbrô ma ăp ndơ geh ƀư OCOP". Tât aƀaơ, n'gor Dak Lak geh 72 ndơ geh ƀư dơi kơp dơn ndơ OCOP ntơm bah 3 – 4 sao, mpeh ăp ndơ tuch tăm tơm bah n'gor kơt cà phê, tiêu, bơ, sầu riêng.

Ta rnôk rgum nchră, ăp nuĭh rgum tâm ôp ăp nkô̆ geh tât nău ntrŏng năl ăp ndơ  geh ƀư tuch tăm nkre đah săk geh âk bah tĭng nkuâl gay geh trong rƀŏng hun hao ndơ geh ƀư tâm di. Nkre, joi trong gay pơk hvi ntŭk tăch rgâl, n'hao săk têh khlay bah ndơ geh ƀư bah ăp ntŭk tơm ƀư rnôk an ƀư bôk nău kan OCOP. Ăp nuĭh nsing nơm rgâl mbrô tâm tuch tăm lah nău khlay đŏng, kơl nău an dŏng trong kan n'hanh dŏng tơm ndơ uĕh tam lơn; kơl n'hao săk geh, kah uĕh, nsĭt nău dơi tuch tăm n'hanh tăch ndơ, nkre  njêng luh rêng rnoh khlay ndơ tuch tăm jŏ jong./.  

Nuĭh rblang: Điểu Thân