Ôi 14/8, Văn phòng tâm pă bôk nău kan ƀon lan mhe n’gor Dak Lak ƀư Tâm nchră nkoch trêng, an ƀư bôk nău  kan ăp xã du ntil ndơ geh ƀư (OCOP). Lôch rlău 5 năm an ƀư, Bôk nău kan ăp xã du ntil ndơ geh ƀư hŏ njêng nău ring tam lam hvi ta ăp nkuâl tâm n’gor Dak Lak. Tât aƀaơ, Dak Lak hŏ kơp dơn an 143 ntil ndơ geh  ƀư bah 93 mpôl tơm ƀư OCOP geh ntơm bah 3 - 4 sao.

Ăp ndơ geh ƀư OCOP hŏ ngăch năl dơi ntŭk gŭ kan khlay, dơi ntŭk rvăt dơn uĕh, kơl nuĭh ƀon lan pơk hvi nău  kan ƀư njêng, n’hao rnoh khlay ndơ geh ƀư. Ta tâm nchră ăp đại biểu hŏ dơi nkoch mbơh mpeh way nkô̆ “Bôk nău kan ăp xã du ntil ndơ geh ƀư, nău tă ơm gĭt kan tâm dak n’hanh dak bah dih mpeh hun hao wăng sa nkual thôn ƀon”, “Ăp nkô̆ nău gay rhuăt luh nău tă ơm gĭt kan 5 năm an ƀư bôk nău kan OCOP ta Dak Lak”, “Săk tơm bôk nău kan OCOP. Nău dơn kan bah lam trong kan chính trị tâm nău an ƀư bôk nău kan OCOP. Nău tă ơm gĭt nti, trong nkra rgum tơm tâm lvang năm 2023-2025”.