Tĭng Chi cục Mât rong n'hanh thú y n'gor Dak Lak, n'gor mhe năl geh bar tơm nuh srê kik djăr ta xã Ea Kly, nkuâl Krông Pac.

Tơm nuh srê ntoh ta 2 rnăk ƀon lan ta thôn 11 n'hanh thôn 5 xã Ea Kly. Tâm nê, nuh srê lor bôk năp dơi năl tâm nar 29/10 ta rnăk wa Nguyễn Nhu Lực, ta thôn 11 đah rnoh kik djăr ntưp nuh srê bơi 800 mblâm kik djăr. Tơm nuh srê tâl 2 dơi năl geh nar 5/11, ta rnăk wa Ngô Đức Tình ta thôn 5, đah 750 mblâm kik djăr geh ntưp, tâm nê geh 500 mblâm kik n'hanh 250 mblâm djăr. Lôch tăng geh nău lư mpeh ăp tơm nuh srê, cán bộ thú y sŏk ntil mham hăn uănh năl, năl geh ntưp đah kaman nuh srê kik djăr A/H5N1. Ntŭk mât kan mât rong n'hanh Thú y hŏ kan nsum đah n'gâng kan ta ntŭk ƀư nkhĭt su jăng lĕ rngôch kik djăr geh ji; ƀư puh nkhĭt kaman ndrung n'gar mât rong, wăr ntu tâp bôr n'hanh wăr ntŭk kiău ma. Chi cục Mât rong n'hanh Thú y n'gor Dak Lak hŏ phăt an 36 lít dak si gay n'gâng kan ta ntŭk an puh nkhĭt kaman; kan nsum đah Ntŭk rgum mât kân kop ji n'gor Dak Lak ƀư hăn ôp uănh, groi nđôi nuh srê kik djăr ta nuĭh ta xã Ea Kly.

VOV Tây Nguyên/Nuĭh rblang: Điểu Thân