Ôi 10/1, UBND n'gor Dak Lak ƀư tâm nchră n'glôch jêh khay klêh cà phê 2021-2022, trong nchrăp khay cà phê 2022-2023.  Tĭng nău mbơh ta rnôk tâm nchră khay klêh cà phê mhe aơ, n'gor Dak Lak geh rnoh âk nchroh tât rlău 526.000 tấn, hao rlău 17.800 tấn rđĭl đah năm bah năp nơh.

Tât aƀaơ, ndơ geh ƀư cà phê Dak Lak tăch n'gluh tât 64 dak, nkual neh lam ntŭr neh. Tâm nê, Nhật Bản lah ntŭk tăch dŭt têh bah cà phê Dak Lak. Năm 2022, nsĭt geh tăch n'gluh cà phê bah n'gor geh rlău 810 rkeh USD, âk tât 21% rđĭl đah lam dak. Khay cà phê 2022-2023, Dak  Lak nchrăp tăch n'gluh nklăp 420.000 tấn cà phê. Nău mĭn bah n'gor mô pơk hvi tay neh tăm cà phê ma ân mât ta rnoh 204.000 hec ta, rnoh âk geh play nklăp 526.000 tấn.

VOV Tây Nguyên/Nuĭh rblang: Điểu Thân