Gay đăp mpăn nău geh an nuĭh tăm sầu riêng n'hanh rƀŏng tât hun hao n'gâng kan sầu riêng jŏ jong, UBND n'gor Dak Lak mhe geh n'glêh an njêng Hiệp hội sầu riêng n'gor Dak Lak. Wa Nguyễn Hoài Dương, Giám đốc Sở Nông nghiệp, Phát triển nông thôn n'gor Dak Lak an gĭt, nău njêng Hiệp hội sầu riêng Dak Lak hŏ n'gluh âk rnoh tât an ndơ tăch sầu riêng Dak Lak n'hanh Việt Nam hun hao tâm let năp tay.

Yơn lah bôk năp, Hiệp hội sầu riêng Dak Lak mbra ƀư, jă ăp băl tâm boh an ƀư ăp trong kan kỹ thuật gay kơl hội viên gĭt nău way mât chăm n'hanh njêng luh âk ndơ geh ƀư tâm ban têh uĕh mpeh săk ntô, kah uĕh njêng nău dơi tâm rlong. Ntơm bah nê, trong tâm boh n'hanh tăch rgâl sầu riêng Dak Lak mbra dơh lơn, njêng geh ntŭk tăch đah rnoh khlay đăp mpăn an lĕ ma ƀon lan kan lŏ mir, hội viên, tĭng kơn hun hao ntŭk tăm geh ăp rnoh tât ŭeh di âk gay n'hao nău dơi tâm rlong bah sầu riêng Dak Lak.