Ta rơh tâm nđur, ăp đại biểu n’hanh mpôl đoàn thanh niên n’gor Dak Lak lĕ geh tăm 80 tơm sao krăk bâh 3 met let lơ ta trong mbrô 1 n’hanh trong mbrô 2 bâh nău kan ta nkual gŭ mhe an ƀon lan ta thôn 1, xã Hòa Thắng, nkuăl ƀon têh Buôn Ma Thuột.

Ndrel đah nău nsrôih tăm n’hanh mât chăm tơm si nđir. Ta ntŭk kan tuch tăm mât rong n’hanh hun hao ƀon lan Dak Lak dăn đă ăp ntŭk kan an geh tâm rgop ƀư geh săk rnglăy trong kan hun hao lâm nghiệp Việt Nam lvang năm 2021-2030, mpŏng uănh tât năm 2050. Tâm nĕ, rgum mbơh tơih n’hao nău gĭt vât bâh ƀon lan ta nău mât bri, rdâng đah nău muĭh kăl, rŭn in neh bri, ƀư tĭng ueh nău kan mât bri, tâm rdâng đah rgâl trôk nar mih sial, mât njrăng ƀô djơh, nsuk ntŭk gŭ n’hanh ndâk nsơm ueh ntŭk ntô bâh nău tăm, mât chăm n’hanh mât ueh jêng tơm si nđir.