Nău nchrăp rlong ƀư aơ dơi Hội Nông dân n’gor Dak Lak tâm rgop đah ntŭk kan ntop kơl mbơh ƀư ta Hợp tác xã sầu riêng Thông Phong, xă Krông Nô, nkăl Lắk, n’gor Dak Lak. Aơ lah hợp tác xã sầu riêng Thông Phong, xă Krông Nô, nkuăl Lắk, n’gor Dak lak. Aơ lah hợp tác xã sầu riêng bôk năp dơi ndâk njêng ta ntŭk bah năm 2022 đah 10 rnăk tât râng, dŭt âk lah nuĭh rnoi mpôl đêt, rnoh neh nkra tăm lah 15 ha sầu riềng bah 1-8 năm.

Tâm 2 năm, nău nchrăp ƀư mbra dơi ƀư ăp nău kan tiăr nti, ntĭm jru, ntop kơl n’hanh nti ngăn gay tâm rgop đah ƀon lan nkra njêng sầu riêng, kơt tĭng công nghệ mhe an nkra njêng, ndâk njêng mir leo lor n’hanh ntrong kan ntrong leo sầu riêng hăn ndrel pâl nđaih ƀư ngăn lŏ mir. Nău rƀŏng bah nău nchrăp ƀư lah n’hao nău wât bah nuĭh ƀon lan rnoi mpôl đêt n’hanh tâm rgop hun hao wăng sa nsum kơt tĭng rgâl mrô. Ta rgum nchră, ăp đại biểu lĕ tâm nchră jru mpeh ăp nkô̆ nău khlay bah nău nchrăp ƀư, tâm di, dơi tâm rgop, ntop ăp nkô̆ nău, nău kan bah nău nchrăp đah ăp bôk nău kan, nău nchrăp ƀư đah ƀon lan.