Rnoh mắc ca tăch luh rơh bôk năp tât dak Nhật Bản geh rnoh rlau 6 tấn geh tăm tâm nkuăl Krông Năng, n’gor Dak Lak. Ntil ndơ aơ hŏ geh mêt uănh bah âk ntrong bah n’gâng kan bah bar dak mpeh nau kan uănh rdâng lơi ăp ntil ndơ lơh khuch tơm tăm, đăp mpăn kloh ueh ndơ ngêt sa, nau kan leo tâl dŭng ndrel joi tu tơm bah ntŭk tăm.

Ntoh nau tâm nar rƀŭn, wa Lưu Văn Khôi, Giám đốc N’gâng kan Công thương n’gor Dak Lak mbơh, grăp mắc ca geh tăch luh tât dak Nhật Bản, pơk luh trong ueh ân ntil grăp kah aơ bah Dak Lak geh tăch tât ăp dak Châu Âu ndrel lam ntur neh./.