Công ty Tăch n’gluh 2-9 (Simexco Daklak) mhe lôch jêh nău tâl ndơ container ndơ cà phê kah gay tăch n’gluh an ntŭk tăch Nhật Bản. Aơ lah ndơ cà phê kah tal 2 bah Việt Nam dơi tăch n’gluh ntŭk tăch têh, bah kơi ndơ bôk năp tâm năm 2021 an ntŭk tăch Châu Âu.

Lĕ 2 mbŭch ndơ bah công ty Simexco. Đah rnoh ndơ rlău 19 tấn n’hanh khlay rlău 120.000 đôlar, du tấn cà phê rơh aơ geh rnoh khlay rĭng rlău 6.300 đôlar, âk ngăn bah sa ơm tât aƀaơ, âk bơi 5 tơ̆ nkôp đah rnoh khlay cà phê tăch ta rnôk aƀaơ. Tĭng Hiệp hội cà phê BMT, 2023 lah năm tal 5 Việt Nam ƀư tăch n’gluh cà phê kah n’hanh ntil cà phê kah ngăn aơ dôl dơi nkra njêng ta 10 n’gor, rnoh ndơ năm 2023 geh nklăp rlău 200 tấn, tăch dŭt âk ta ăp ntŭk tăch Mỹ, Ý, Nhật Bản, Hàn Quốc.