Gay dôh rklaih jêr jŏt tâm nkra njêng n’hanh tăch ndơ lŏ mir, năm bah năp, ăp ntŭk lĕ mbơh ƀư âk trong, rgâl mhe trong ƀư gay ntrôl tuch tăm mât rong hun hao nâp nâl.

          Ndoh ndơ lŏ mir lah ndơ tăch n’gluh têh bah n’gor Gia Lai, đah rnoh geh prăk 500 rkeh đôlar du năm n’hanh dôl mô rlu hao. Nău aơ dơi geh knơm âk năm bah năp, n’gor lĕ uănh khlay ndâk njêng, pơk hvi ăp nkual tăm nkra njêng ndơ lŏ mir tĭng ăp nău ntrŭnh dơi kơp dơn. Tĭng nău mbơh bah N’gâng kan Tuch tăm mât rong n’hanh hun hao ƀon lan n’gor Gia Lai, aƀaơ dĭng lĕ rnoh neh tăm lam n’gor geh 557.700ha. Tâm nĕ, geh 230.000 ha, tâm ban đah 41% rnoh neh, dơi tuch tăm tĭng di kơt VietGAP, GlobalGAP, 4C, Organic, Rainforest Alliance... Ndrel đah nĕ, aƀaơ Gia Lai lĕ dơi kơp dơn 55 mrô nkual tăm ăp ndơ tơm sa play, tŏng ăp tâm di tăch n’gluh di trong têh.

Wa Lưu Trung Nghĩa-Giám đốc N’gâng kan tuch tăm mât rong n’hanh hun hao ƀon lan Gia Lai an gĭt, du đêt ndơ kơt cà phê, chanh rse bah n’gor lĕ dơi lăp ăp ntŭk tăch jêr kơt Nhật Bản, EU. Tĭng trong nchrăp, lvang 2022-2025, n’gor mbra n’hao rnoh neh tăm tĭng di dơi kơp dơn nklăp 5 rbăn/ha/năm, n’hao uĕh kah ndơ lŏ mir rhŏ an tăch n’gluh gay n’hao nău geh an nuĭh ƀon lan:

Ndơ lŏ mir bah n’gor nar lơ dơi geh âk đah uĕh kah n’hanh tâm di nău đă bah ntŭk tăch ăp dak. Jêh srê, n’gor lĕ rdâk hao nău kan ndơ tăch n’gluh. Soan nkra njêng bah ăp doanh nghiệp lĕ tâm di nău đă. Tâm năm mhe rlău, mô geh ntil ndơ an kơl tăch rwăt. Lơn lah geh âk doanh nghiệp kơt Hoàng Anh Gia Lai, Hương Sơn, Doveco, Quicobac... lĕ jêng geh ăp trong tăch n’gluh dŭt uĕh.

       Đoàn druh ndăm râng “kơl tăch ndơ lŏ mir”.

   Lah Gia Lai dôl uănh pơk hvi ăp nkual tăm nkra njêng lŏ mir tĭng ăp tâm di dơi kơp dơn ta Tây Bắc, Sơn La dôl rgum ntuh kơl an logistics gay mkra nău tăch ndơ lŏ mir bah n’gor. Sơn La aƀaơ geh 55 doanh nghiệp pah kan ndơ logistics yơn ntrong kan dŭt jêt, ntĭl ndơ aơ dơh. Tâm nău ƀư nchoăn rdêng tăch, n’gor dôl geh 2 trong lah trong ndeh n’hanh trong dak.

          Mô tŏng ndơ logistics, ƀư nău tăch ndơ biăp, bum, play rih bah Sơnm La mâp âk jêr jŏt. Nuĭh tăm geh jêr tâm yan n’hanh geh nuĭh rwăt nsâm. Ndrel đah nĕ lah nău mô tŏng ntŭk nkra njêng dŭng tâl, mât prăp, rdêng, nuĭh kan... Wa Nguyễn Khắc Hào, Kruanh jrô kan Tuch tăm mât rong n’hanh hun hao ƀon lan nkuăl Mai Sơn, n’gor Sơn La an gĭt: Nkuăl geh 11.000 ha tơm sa play, đah rnoh geh 70.000 tấn du năm. Nău pĕ play way rgum tâm ăp ntŭk, nar đêt, jêng nău mât prăp dŭt khlay. Yơn lah trong mât nđik ta ntŭk aƀaơ dơi ntuh kơl jêt, dŭt âk ta ăp rnăk, HTX, rnoh geh mât prăp mô dơi âk.

“Nkuăl lĕ geh âk nău dăn đă đah n’gor, mpŏng tâm năm tât ta nkual mbra ndâk njêng du ntŭk logistics, nta an rnăk Mai Sơn n’hanh ăp nkuăl kiău ma tâm nău nkret njêng, mât prăp n’hanh tăch ndơ lŏ mir dơh lơn”.

 Sơn La geh 856 doanh nghiệp, HTX, ntrong kan tăch rgâl nău kan nchoăn rdêng, yơn dŭt âk jêt; geh 6 ntŭk gŭ manh kan, ntŭk kan bah doanh nghiệp bưu chính, njuăl ndơ. Lam n’gor mhe geh nklăp 30 ntŭk mât prăp nđik, rnoh geh bah dâng 250 m3/du ntŭk; 2.500 ntŭk pâr play rih jêt chrai, đah rnoh geh 60.000 tâm play rih/năm (dŭt âk ndơ play nhãn); 12 container nđĭk, mô geh ntŭk way nkra njêng ăp ndơ, ndơ rhŏ an nău kan bao play, tâl dŭng, tăch n’gluh.

Ăp nău mô ăp n’hanh jêr jŏt bah trong logistics tâm lŏ mir lĕ geh trong kol an trong luh ndơ. Tĭng ăp nuĭh way kan, Sơn La an ƀư tĭng âk trong mkra gay n’hŭch prăk logistics, mbơh ƀư ăp nău kan gay wăch rgum ntuh kơl an ntung trong logistics. Wa Trần Thanh Hải, Groi Cục trưởng Cục xuất khẩu, N’gâng kan Công Thương, an lah:

 Aƀaơ, ntung trong boăt nthoi nkual bah n’gor Sơn La mô tŏng, mô geh ndơ gay gĭt tât trong dak lêng, trong dak, trong mpăr. Yor rĭ, nău ntuh kơl trong cao tốc Hòa Bình-Mộc Châu kơt pơk hvi trong nkual ƀon têh dŭt khlay gay nthoi nkual. Bah meng nĕ, đah ndơ lŏ mir geh êng an mât prăp, jêng Sơn La an geh trong ƀư, nău kơl wăch rgum ntuh kơl ndâk njêng ăp ntŭk prăp nđĭk, n’hanh ntŭk nkret njêng ndơ lŏ mir.

Wa Phạm Thị Doan, Giám đốc N’gâng kan Công thương n’gor Sơn La an gĭt, gay hun hao lŏ mir nâp nâl, n’gor Sơn La mĭn logistics lah du trong khlay tâm nău ntrôl tăch ndơ lŏ mir n’hanh ndoh ndơ:

“N’gâng kan Công thương mbra ndrel đah ăp n’gâng kan, nău kan tâm ôp đah n’gor tâm trong dăp rgum ntung trong mpeh hun hao logistics mpeh trong hăn, ntŭk prăp, ngăn lah nău nuĭh kan tâm logistíc, nău kơl wăch rgum ntuh kơl an nău kan aơ”.

Ndrel đah mbơh ƀư tâm ban ăp trong mkra bah ăp gưl, ăp nău kan, ăp doanh nghiệp, HTX, nuĭh ƀon lan Sơn La an rgâl mhe nău mĭn, n’hao uĕh jêng ndơ, rgâl nkra njêng tĭng tâm di, n’hao rnoh khlay, n’hao dơi tâm rlong an ndơ lŏ mir Sơn La.