Lôch Tết Nguyên đán, nkual tăm tao ta ăp nkuâl mpeh bah dâng luh nar n'gor Gia Lai geh mbro ŭnh sa tao. Tao geh ŭnh sa mô dơn khuch khat an nuĭh ƀon lan ma hôm khuch tât trong nchrăp rvăt, nkret njêng bah doanh nghiệp. Aƀaơ ăp nkuâl kan nsum đah doanh nghiệp n'hanh nuĭh ƀon lan an ƀư âk trong njrăng n'gang ŭnh sa, ngăch sreh tao kơl ƀon lan hŭch bah ir khuch khat.

Tĭng Công ty TNHH một thành viên Thành Thành Công Gia Lai, ntơm bah lôch Tết Nguyên đán, nô nău ŭnh sa tao bah đơn vị dŭt hô, khuch tât trong nchrăp nkret njêng. Tât aƀaơ, hŏ geh 30 tơ̆ ŭnh sa tao đah rnoh hvi khuch khat rlău 270ha, hao âk 5 tơ̆ rđĭl đah rơh bah năp nơh. Wa Trương Quang Trình, Groi giám đốc Công ty an gĭt, ta năp nô nău ŭnh sa tao, nhih máy geh trong nchrăp  rvăt ơm, tâm pă nar kan tâm di gay nuĭh tăm bah ir rvê.