Tât aơ tă, tâm n’gor Gia Lai, hŏ geh bơi tât 6.700 tơm geh pă rnoh mrô 99 rmô nkual tăm ndrel 24 rnoh mrô tâm ăp ntŭk tâl dŭng. Aơ lah ueh gay ƀon lan tuch tăm tâm n’gor dơi hăn tăch tât ăp ntŭk tăch rgâl bah dak ba dih. 99 rnoh mrô nkual tăm bah n’gor Gia Lai ngăn lah geh pă ân ăp rntoh neh geh tăm prit, chanh sre, mrăch, rpŭng kai, gu ga... Tâm nê, prit geh 26 rmôt, rnoh tăm rlau 3000 ha, chanh rse geh 19 mrô, rnoh tăm bơi tât 6000 ha, mrăch geh 20 rmô đah bơi tât 300 ha.

Ndrel đah ăp rnoh mrô nkuăl tăm, ăp ntŭk kan tăch rgâl bah Gia Lai hŏ đăng ký 24 mrô ntŭk tâl dŭng, đah nau dăng nklăp 700 tấn play rih/nar. Rnơm đăp mpăn mpeh nau mbơh tât nkual tăm ndrel ntŭk tâl dŭng, ndơ tuch tăm bah Gia Lai hŏ geh tăch tât âk dak, kơt: Trung Quốc, Úc, Mỹ, Liên minh Châu Âu...Ăp nkual, nkuăl têh, nkluăl ƀon têh tâm Gia Lai dôl lŏ ƀư ndâk ăp nkual tăm tĭng nau kơp dơn VietGAP, kơl an nŭih tuch tăm ndrel ntŭk tăch rgâl đăng ký rnoh mrô nkuăl tăm ndrel ntŭk tâl dŭng gay n’hao nau tăch luh ndơ tuch tăm bah n’gor./.