Jêh rnôk hăn uănh lĕ rngôch ăp nău nchrăp ƀư mât rong công nghệ mhe ta n’gor, n’gor Gia Lai lĕ geh âk nău nkra rgâl tâm nău ntrŭnh wăch rgum ntuh kơl; n’hao mât uănh, groi uănh ăp nău nchrăp ƀư mât rong tâm năm tât, tĭng trong an lor nău nchrăp ƀư kơt dŏng công nghệ mhe, têh n’hanh mât njrăng ntŭk ntô gŭ âm.

Tĭng N’gâng kan Kế hoạch Đầu tư n’gor Gia Lai, n’gor kơp uănh n’hanh nkra rgâl trong wăch rgum ntuh kơl yor jêh uănh nđôi groi uănh 16 nău nchrăp ƀư mât rong dôl ƀư, n’gâng kan saơ âk nău nchrăp ƀư uĕh nâp đêt. UBND n’gor Gia Lai lĕ geh sam ƀŭt ntĭm rđău N’gâng kan Kế hoạch n’hanh Đầu tư tâm rgop đah ăp n’gâng kan nău kan ƀon lan ntĭm tay ăp nuĭh tơm ntuh kơl jêh sam ƀŭt tĭng nău ntrŭnh; ƀư tĭng ăp nău ntrŭnh mpeh mât njrăng ntŭk ntô; uănh nđôi, groi uănh; kơl lor ntuh kơl ăp nău nchrăp ƀư mât rong kơt dŏng công nghệ mhe. Nău saơ geh tih ơm dơi mkral rjăp, n’ăp nău dăn đă UBND n’gor an rlu kan n’hanh lôch nău kan nchrăp ƀư tĭng di nău ntrŭnh bah pháp luật.