Rlau 1000 tơm cà phê ntơm 2 tât 5 năm bah âk rnăk vâl tâm du đê̆ ƀon ƀon O Ngó (xã Ia Băng, nkuăl Đak Đoa, n’gor Gia Lai) mhe geh phung bu ntŭng kăl lĕ. Tĭng wa Trần Văn Hùng, Kruanh UBND xã Ia Băng, ôi lơ 13/3, nŭih tâm ƀon O Ngó, xã Ia Băng saơ geh âk ngăn tơm cà phê bah kônh wa geh phung bu mhik kăl lơi. Bah nau kơp, geh rlau 1000 tơm cà phê geh koh kăl tâm tơm, rnoh neh geh ntŭng kăl nklăp du ha.

Dơi gĭt, mir cà phê aơ bah âk rnăk vâl rnoi mpôl đê̆ tâm nkuăl nsum tăm ndrel mât chăm. UBND xã Ia Băng hŏ geh nau mbơh đah rđau kan Đảng uỷ, rđau đă rmôt công an, cán bộ ndrel đah Kruanh thôn O Ngó tât tâm ntŭk nê gay ma uănh năl, nkre ma mbơh nau kan tât ta công an nkuăl ndrel ăp n’gâng kan gay ma mêt uănh, ƀư kloh, mhal ăp nŭih ƀư nau tih nê tĭng nau ntrŭnh bah pháp luật./.