Ôi 25/10, ta Hà Nội, Ntŭk rgum ntrŭt nsôr ngăch tăch rgâl tuch tăm, Bộ Nông nghiệp n'hanh Phát triển nông thôn ƀư rơh hop báo mpeh Hội chợ Ƀon hăr ti kan n'hanh ndơ geh ƀư OCOP Việt Nam tâl 18 n'hanh rơh Tâm rlong ndơ geh ƀư trah mon rup si Việt Nam năm 2022.

 Hội chợ Ƀon hăr ti kan n'hanh ndơ geh ƀư OCOP Việt Nam tâl 18 n'hanh rơh Tâm rlong ndơ geh ƀư trah mon rup si Việt Nam năm 2022 lah 2 nău kan tơm gŭ tâm rêng 7 nău kan bah nar ƀư “Festival ƀon hăr ti kan Việt Nam năm 2022” tă bah Bộ Nông nghiệp n'hanh Phát triển nông thôn ƀư tơm ƀư.

An ƀư nău kan hun hao tuch tăm mât rong n'hanh thôn ƀon jŏ jong lvang năm 2021-2030, uănh ngai tât năm 2050; Bôk nău kan gưl neh dak tât rdâk njêng ƀon lan mhe lvang năm 2021 – 2025, Hội chợ Ƀon hăr ti kan n'hanh ndơ geh ƀư OCOP Việt Nam tâl 18 gay nkoch n'hơ, mpư rnê ăp ƀon hăr blău ti kan way ơm; ăp nuĭh blău trah mon, geh ăp ndơ ƀư ntoh lư, nkoch mbơh ăp trong ntĭt leo ƀon hăr blău ti kan, nkual ƀon têh hăr blău ti kan uĕh êng lam dak; mbơh nkoch bôk nău kan ăp xã du ntil ndơ geh ƀư (Bôk nău kan OCOP), buăt nthoi tăch ăp ntil ndơ geh ƀư OCOP, du đêt ndơ geh ƀư kah khlay bah ăp n'gor đah ăp trong tăch way ơm n'hanh trong tăch mhe. Nkre wăch rgum ntuh kơl, ntrŭt nsôr hun hao săk geh văn hóa pâl nđaih n'hanh n'gâng kan ta thôn ƀon, dâk tay- hun hao nău kan; n'hao dăng tâm rgop rêng rnoh khlay ntơm bah ƀư njêng tât tăch rgâl, hun hao ndơ geh ƀư jŏ jong, kloh uĕh đah ntŭk gŭ rêh…

VOV/Nuĭh rblang: Điểu Thân