Lam nkuăl geh nklăp 500ha tơm tăm mô tŏng dak, tâm nĕ dŭt âk lah cà phê. Aƀaơ ăp n’glău dak bât ta nkuăl mô hôm geh tu dak gay tâm pă jêng nuĭh ƀon lan an joi êng dak, tâm pă tu dak đê̆ đă bah ăp n’glău dŭt ngai gay kơl mir cà phê. Nău duh phang ndal n’hanh mô tŏng dak tŏ lĕ ƀư âk rnoh neh cà phê ta nkuăl Đăk Hà lĕ kro n’ha; play nse n’hanh n’ging kro.

Khuch khat hô ngăn geh đah rnoh neh cà phê tăm mhe tât hang rhiăng ha bah Công ty Cà phê Đăk Uy n’hanh bah nuĭh ƀon lan ta xă Hà Mòn. Ndrel đah prăk dŏng mât chăm hao khlay, hŭch săk geh, rơh duh phang ndal n’hanh nău duh phang jŏ jong hôm n’glơi tay nău khuch jŏ jong đah tơm cà phê. Đah ăp mir tơm jêt soan chŏl mô dăng ri khuch tât reh. Reh geh khuch ri ăp ntil bu tuh, geh tu ndrŭng sa reh ƀư khĭt tơm.