VOV4.M'nông: Khay rôk năm aơ ăp nhih máy nkret njêng rnih bum blang ta n'gor Kon Tum dôl dâk ta năp geh ma nău mô tŏng bum blang gay nkret njêng. Năm aơ n'gor Kon Tum geh lĕ rngôch rnoh hvi neh tăm bum blang rlău 39.300ha, đah rĭng geh nklăp 15 tấn du ha dơm. Măt êng bum blang geh bu tuh kruănh lha jêng khuch tât săk geh, mô dơn nê du  đêt neh tăm ƀon lan ân rôk jăng dơm.

N'gor Kon Tum aƀaơ geh 8 nhih máy nkret njêng rnih bum blang, geh ma nău ăp nhih máy mô tŏng ndơ gay ma nkret njêng. Wa Nghiêm Đức Thuần, Tổng Giám đốc Công ty Cổ phần tăch n'gluh n'glăp ndơ  tuch tăm an gĭt: Rnoh âk bum blang dơn geh 15 tấn/1ha dơm dŭt đêt jêng mô tŏng an ăp nhih máy nkret njêng. Ăp nhih máy ân hăn joi rvăt ta ăp n'gor êng, geh rnôk hôm hăn joi rvăt tât Lào gay geh ndơ nkret njêng đŏng. Ăp năm 8 nhih máy nkret njêng rnih bum blang n'gor Kon Tum nkret njêng dơi nklăp 320.000 tấn rnih bum./.

VOV Tây Nguyên/Nuĭh rblang: Điểu Thân