Ôi 16/8, Sở Khoa học n’hanh Công nghệ n’gor Kon Tum ƀư n’glêh an mpeh nău pă siƀŭt kơp dơn ntŭk neh tăm “Ngọc Linh” an sâm bum an 2 công ty ta n’gor. Aơ lah lor bôk năp n’gor Kon Tum pă an siƀŭt kơp dơn dja đah sâm bum Ngọc Linh.

Tĭng nê, Công ty cổ phần sâm Ngọc Linh Kon Tum dơn geh siƀŭt kơp dơn ntŭk neh tăm “Ngọc Linh” an 10.000 sâm bum rlău 10 năm. Ntŭk tăm sâm Ngọc Linh bah Công ty dja ta rlô 3, khoảnh 2, tiểu khu 220 mpeh xã Măng Ri nkuâl Tu Mơ Rông. Đah Công ty cổ phần sâm Ngọc Linh Tu Mơ Rông Kon Tum, Sở Khoa học n’hanh Công nghệ n’gor Kon Tum ndơ̆ siƀŭt n’glêh an mpeh nău kơp dơn ntŭk neh tăm “Ngọc Linh” an 2.200 sâm bum rlău 6 năm. Ntŭk tăm sâm Ngọc Linh ta rlô 17b, khoảnh 5, tiểu khu 227 thôn Mo Za xã Ngọc Lây nkuâl Tu Mơ Rông.